أوقـات ب ياخـذنى إلخـيـال
لـ أمـور غالـباً فـوق الخـيـال
و معـرفـش الأجابة عـن أى سـؤال
لأن الأمور دى ..
غـالـبـاً فـوق .. فـوق الخيال
يا تـرى ؟ أيـة الإحـسـاس ..
و أنـا داخـل الـمـديـنة السـماوية ألـلى وعـدتـنى بـيـهـا ؟ ..
وأيـة هـ يـحـصـل و أنا جـوارك أسـيـر ؟
هـ أتـصـرف زى الطـفـل الصغـيـر ؟
و لـلا أمـسـك نـفـسى زى راجـل كـبـيـر ؟
أوقـات ب يـاخـذنى الخـيـال
و دى أمـور فـوق الـخـيـال
و أنا ب أشـوفـك و بـيـنـك و بـيـنـى خـطـوات
هل هـ تـكـون إلـه الـقـوات ؟
و لـلا الإنـسـان إلـلى إتـصـلـب و مـات ؟
يـا تـرى لـمـا أشـوفـك قـدامـى
هـ أطـيـر م الـفـرح و الإنـبـسـاط ؟
و للا أنـزل عـلى ركـبـى
مـن مـجـد إلـة الـسـمـاوات ؟
لـمـا الـمـلايـكـة تـرنـم أحـلى الـتـرنـيـمـات
يـا تـرى هـ أقـول هـالـيـلـويـا ؟
و لـلا تـذوب ف حـلـقى الـكـلـمات ؟
يـا تـرى هـ أدور ع مـراتـى و ولادى و بـنـاتـى ؟
و فـيـن أبـويـا و أمـى أهـلى و أخـواتـى
و لـلا نـظـرى ف أتـجـاة واحـد لـيـلاتـى و يـومـاتـى ؟
يا تـرى هـ نـقـعـد فى إسـتـاد و صـفـوف صـفـوف ؟
ولـلا ف الـهـوا هـ نـدور حـول عـرش الـخـروف ؟
و طـول الـوقـت نـدور و نـطـوف ؟
و هـل هـ أرنـم لـيـك ؟ و لـلا أشـدو ؟
أسـبـح و لـلا أغـنـى و لـلا أهـتـف ب أعـلى صـوتـى ؟
هـل ب رهـبـة و خـشـوع و ركـوع ؟
و لـلا رقـص و فـرح بـصوت مـرفـوع ؟
مـش عـاوز أجـابـة عـن كـل إلـلى إتـقـال
أنـا عـارف إن دى أمـور فـوق الـخـيـال
لـكـن فـيـة سـؤال ولا كـل سـؤال ؟
و الـمـرة دى حـقـيـقـة و مـش خـيـال
و تـعـبـان و صـابـر و بـيـقـولـك تـعـال ؟
يـا تـرى كـام واحد مـسـتـنـيـك و بـيـقـولـك تـعـال ؟
عـاطـف كـامـل
ليست هناك تعليقات:
إرسال تعليق