غـاوى يـهـز الـمـراكـب ..

  ۱۳/۸/۲۸

ناس وسط البحر ف قارب ..

فجأة و من غير م الناس تحاسب ..

رياح و عواصف و الموج الغاضب ..

و ييجى ماشى ع المية ..

إللى يحب يهز المراكب ..

نفس الناس وسط اليم ف قارب ..

هاج البحر و طول الليل الموج بتحارب ..

تعبوا و هلكوا ، الموت شكلة إللى غالب ..

و رغم ده كله ، تلاقيه نايم ..

إللى غاوى يهز المراكب ..

قمت و إعترضت و سألت ؟. لية ..

ممكن أفهم قصدك من دة كلة إية ؟.

أول مرة أشوف ..

واحد غاوى يهز المراكب ..

أيوة .. أنا غاوى أهز المراكب ..
و الناس يفكرونى بعيد أو نايم ..

لكنى قريب ، ب أحافظ و أراقب ..

و دايما .. ب تعاود سليمة المراكب ..

و تروح و تيجى المراكب ..
و ترجع سليمة المراكب ..

                             عـاطـف كـامل ..
   sweetalk1.blogspot.com