الأبـطـال .. و الأنـدال ..

۲۰۱۳/۶/۱۳
الأبطال .. الأموال .. و الأندال ..

الأيام دى مفيهاش أبطال ؟ ..

على ما أعتقد آخر بطل كبير أسمة غاندى ..

و بعدة أبطال صغار ..

عبد الناصر و مانديلا و الأم تريزا ..

و لية أكتر من نصف قرن من الزمان ..

خاوى و خالى  من الأبطال ..

البطل فرد .. يعمل معجزة فى وطن ..

البطل شريف ..ماحدش كاسر عينة ..

البطل عينية تغمض و تنام ف الضلمة ..

البطل كل شغلة ف النور ..

البطل مفيش حاجة تغلبة حتى الموت ..

البطل مايختلفوش علية أثنين أنة .. بطل ..

و مع ذلك لية أعداء كتير .. مش عارف لية ..

البطل لا هدفة مال ولا جاة ..

البطل يعبد وطنة من بعد أللة ..

البطل ما تشتريهوش أموال ..
البطل عارف هو عاوز إية .. مش كل يوم ب حال ..
البطل مالهوش ف العشيرة و لاعم و لاخال ..

البطل نور ينور ل مية سنة قدام ..
البطل نورة ساطع مفهوش نقطة ظلام ..
البطل مالوش كبير .. كبيرة هدفة وطنة و السلام ..

طيب .. لية مفيش أبطال ؟.

لية الأيام دى مافيهاش أبطال ؟.
هل فية حد سأل نفسة هذا السؤال ؟.

عشان أعداء الأبطال خلوة .. أمر محال ..
عشان الناس دول مش عاوزين تهديد مصالحهم ..
طيب .. يعملوا أية ؟.

عملوا أبطال من الخيال ..
قالوا ل سوپرمان خليك بطل .. بس ف الخيال ..
عملوا المغنيين و الممثلين و شخصيات أفلام الكرتون .. أبطال ..
و لكل واحد منهم .. ألف صورة و تمثال ..
و الناس دلوقتى تعبد .. جمال الأبطال .. صوت الأبطال .. لبس الأبطال ..
مارلين منرو و البيتلز و مايكل جاكسون .. هما دول الأبطال ..
بروس لى و جاكى شان أبطال و ميكى ماوس هو بطل الأبطال ..
و أصبح مصنع أبطال العالم .. فى هوليوود و ديزنى لاند  ..

عشان كدة .. مفيش أبطال ..
لو محدش مصدق كلامى .. أدخل جوجل و أكتب كلمة ... heroes ..
و شوف صور .. images ..
هتلاقى صور الأبطال الصناعى ..
و لقيت. صورة واحدة ب ألوان رصاص باهتة لأبطال حقيقيين ..
ف أعلى الصفحة ..
الصورة التانية عبارة عن قرص مستدير يحاول أن يخفى نور الشمس ..
و مكتوب علية .. heroes .. و مش قادر يخفى نور البطولة الأصلية ..
حد فاهم حاجة ..

  swetalk1.blogspot.com